Wikisource

Merkent an die kleine ameiſ

Textdaten
Autor: Der Marner
Illustrator: {{{ILLUSTRATOR}}}
Titel: Merkent an die kleine ameiſ
Untertitel: {{{SUBTITEL}}}
aus: UB Heidelberg 349v
Herausgeber:
Auflage:
Entstehungsdatum: 1225–1250
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
In Originallettern. Vergleiche auch Merkent an die kleine ameis mit aufgelösten Lettern.
Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[349v]

Merkent an die kleine ameiſ·
ſo ſi dē wint̾ voꝛ ir weis·
ſi ſamnet in des ſvm̾s ernde kv́ndekliche ir ſpiſe·
ſam tů dv mēſche vn̄ bvwe enzit·
ein ſtarker wint̾ vf dir lit·
der machet dich in ſoꝛgē alt vn̄ in dē alt̾ griſe·
dv maht hie bvwē vn̄ ſen·
mit gv̊tē w̾kē gegē gote vn̄ dinē eben xp̄en·
dc dv maht ſniden vn̄ men·
vn̄ ǒch dich doꝛt gegē dinē hohē h̾rē maht gevriſten·
ſo dv dē zins zehove giſt·
die ſele gote vn̄ dv in ermē melwe begrabē liſt·
dv ſchaffe es ſo daſ din dú ſele warte imme ꝑadiſe·

Es hat dú ſtarke gotes kraft·
mit wund̾lich̾ meiſterſchaft·
gecirgget wol d̾ ſt̾nēkreis den ſvnnē vn̄ die manē·
dv biſt gebildet mēſche nach im·
dv ſitze dv ſtant dv wat dv ſwim·
dv ſolt dich ſiner helfe niem̾ vꝛeuenliche entanē·
ſin hoͤhe dú iſt dir zehoh·
ſin wite zebꝛeit ſin grunt zetief ſin lenge ſich dir lenget·
der erſte mēſche ſin lere floch·
da vō wart er vſ ꝑadýſes froͤiden her gepfrenget·
in dirre w̾lte vnfroͤidē kamer·
da vō vns twinget noch deſ flůches zange vn̄ ſleht d̾ ham̾·
wir mv̊ſſē vnſer ſpiſe ī ſweize vō der erde ianē·

Der ſv́nder fluhe vn̄ wiſſe er war·
dú gotes ǒgen ſint ſo clar·
dc ſich voꝛ ime v̾birget niht ſo kleine als iſt ein milwe·
die blikzē vn̄ die donreſlege·
ſint mit gewalte ī ſiner pflege[WS 1]·
der regēboge der winde ſvs dú heit̾ das gehilwe·
ſin ſin kan alle ſternē zeln·
ir namē ir lǒf vn̄ alle ir maht ir ſchin vn̄ alle ir zeichē·
er ſitzet vf dē himel ſteln·
wie wilt dv mēſche mit dinem krankē ſīne dē erreichē·
bis demvͤt vn̄ erbarme dich·
erbermde ſchv̊f dc er vō himel zer erde neigete ſich·
er gab dvrh vns ſin liehtē varwe in des todes gilwe·

Eſ nahet gegen d̾ ſv̊netage·
dc got wil ſvͤne alle klage·
wir habē niht gewiſſes dúr des todes offenvnge·
wilt dv dē tode endꝛīnē doꝛt·
ſich mēſche v̾nim dc gottes woꝛt·
erfúlle mit dē w̾kē dc dv ſpꝛicheſt mit d̾ zvnge·
wie ſnel iſt eines ǒgēblik·
ſo ſnel iſt da ze Joſaphat des al gerihtes ende·
die rehtē fvͤret da dē ſig·
ſo windēt die v̾tanē da vil iemerlich ir hēde·
die mv̊ſſē in des tievels kewē·
da ſint ſi lebent ī iamer tot vō ewē vn̄ zewē·
da ſāne vns gotteſ gvͤte zv̊ der rehtē ſamenv̄ge·

Anmerkungen (Wikisource)

  1. ↑ Vorlage: pflige.
Von „https://de.wikisource.org/w/index.php?title=Merkent_an_die_kleine_ameiſ&oldid=3658319“