Mehtiger got dv bist so lanc vnd bist so breit

Textdaten
Autor: Walther von der Vogelweide
Illustrator: {{{ILLUSTRATOR}}}
Titel: Mehtiger got dv bist so lanc vnd bist so breit
Untertitel:
aus: UB Heidelberg 125r und UB Heidelberg 125v
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Mehtiger got dv biſt ſo lanc vn̄ biſt ſo bꝛeit in Originallettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[125r]

Mehtiger got dv bist so lanc vnd bist so breit·
gedehten wir da nach das wir vnser erebeit·
niht verlvrn dir sint beide vngemessen maht vnd ewikeit·
[125v] ich weis bi mir wol das ein ander ǒch dar vmbe trahtet·
so ist es als es ie wc vnsern sinnen vnbereit·
dv bist zegros dv bist zekleine es ist vngeahtet·
tvmber gv̊ch der daran betaget oder benahtet·
wil er wissen dc nie wart geprediget noch gepfahtet·

Rich herre dich vnd dine mv̊ter der megde kint·
an den die ivwers erbelandes viende sint·
la dir den kristen zv̊ den heiden beide sin als den wint·
wan si meinent dich mit ganzen trúwen kleine·
an diner rache gegen in herre vater niht erwint·
dv weist wol dc die heiden doh niht irrent alterseine·
die sint wider dich doch offenlich vnreine·
dise vnreine die es mit in so stille habent gemeine·

Botte sage dem keiser sines armen mannes rât·
dc ich deheinen bessern weis als es nv stat·
ob in gv̊tes vnd lúte nieman erbeiten lat·
so var er balde vnd kom vns schiere lâsse si niht toͤren·
irre ǒch etlichen der got vnd in geirret hat·
die rehten pfassen warne dc si niht gehoͤren·
den vnrehten die dc riche wennent stoͤren·
scheide si von in oder scheide si alle von den koͤren·

Solte ich den pfaffen raten an den trúwen min·
so spreche ir hant den armen zv̊ se das ist din·
ir zvnge svnge vnd liesse mengem man dc sin·
gedêhten dc ǒch si dvr got were almvͤsenere·
do gab ir erste teil der kúnic ostantin·
het er gewest dc da von úbel kúnftic were·
so het er vnder komen des riches swere·
wan dc si do waren kúsche vnd vbermvͤte lere·

Min alter klosenere von dem ich so sanc·
do vns der irre babest also sere twanc·
der fúrhtet aber der gotehvserere ir meister werden kranc·
er seit ob si die gv̊ten bannen vnd den v́beln singen·
man swenke in engegene den vil swinden wider swanc·
an pfrvnden vnd an kilchen mvge in misselingen·
der si vil die dar vf ie zv̊ haben gedingen·
dc si ir gv̊t verdienen vmb dc riche in liehten ringen·