Manger hande blv̊t (Mit originalen Lettern)
[61r]
Manger hande blv̊t·
aber nv der meie hat·
da bi hab ich ſoꝛge manigvalt·
al min hoher mv̊t·
gar an einē wibe ſtat·
dv́ vil liebe hat min gar gewalt·
Genade frǒwe min·
tv̊ mir ſchiere helfe ſchin·
wende minē pin·
ald̾ ich mvs v̾doꝛbē ſin·
Frǒwe gv̊t v̾iage·
mine ſenelichē not·
die ich in manigvaldē ſoꝛgē han·
alle mine tage·
din vil ſuͤſſeſ mv́ndel rot·
mag min h̾ze vs allen ſoꝛgē lan·
Genade frǒwe min·
tv̊ mir ſchiere helfe ſchin·
wende minē pin·
ald̾ ich mvs v̾doꝛbē ſin·[WS 1]·
Miner froͤidē hoꝛt·
tv̊s dvr dine ſelikeit·
vn̄ enbinde minē ſendē lip·
ſṕch dc ſvͤſſe woꝛt·
ich wil wendē al din leit·
ſo biſt iemer mer ein ſelig wib·
Genade frǒwe min·
tv̊ mir ſchiere helfe ſchin·
wende minē pin·
ald̾ ich mvs v̾doꝛbē ſin·[WS 2]·
Sit dc in ir bant·
ſi mich hat gebūdē ſo·
dc ich mv̊s gar nach ir willē lebē·
der mir ellú lant·
gebe ich wurde niem̾ fro·
wil ſi mir niht hohgemv̊te geben·
Genade frǒwe min·
tv̊ mir ſchiere helfe ſchin·
wende minē pin·
ald̾ ich mvs v̾doꝛbē ſin·[WS 3]·
Beſchehe mir dc heil·
an der liebē frǒwe min·
dc mir wurde kunt ir ſchoner grůs·
vn̄ ſi ſpꝛeche teil·
dar zv̊ ſi dc wellen din·
dir mag ſchiere ſoꝛgē w̾den bůs·
Genade frowe min·
tv̊ mir ſchiere helfe ſchin·
wende minē pin·
ald̾ ich mvs v̾doꝛbē ſin·[WS 4]·