Man ſol ein h̾ze erkennē hie
[123r]
Man ſol ein h̾ze erkennē hie·
dc zallen zitē hohe ſtat· rehte froͤide lobt ich ie·
vn̄ nide niemē der ſi hat·
der ſo gewendet ſinē mv̊t·
dc er dc beſte gerne tůt·
ich wil iv minē willē ſagē·
ê dc er vnſanfte mvͤſe gen·
vf miner hant wolt ich in tragen·
Nv lange ſtat dú heide val·
ſi hat d̾ ſne· gemachet blůmē eine·
die vogeſ trurent vberal·
das tů ir we· d̾ ich es gerne ſcheine·
min lip ie voꝛ den boͤſē hal·
dc ich ſi me· mit rehten trúwē meine·
dāne iemā vindē kvnde zal·
het ich vō heile wunſches wūſches wal·
vb̾ ellú wib v̾leitet mich ab dirre ſtete deheine·
Si vindet mich nv lange zit·
all dē ſinne· der iſt iemer ſtete·
nach rehte lieſſe[WS 1] ich minē ſtrit·
dc mir ir mīne· loneſ genade tete·
nv machet valſcher w̾lte nit·
dc gv̊t gedinge· wirt ein teil ze ſpete·
da vō min h̾ze ſwere lit·
betwūgen wc eſ iemer ſit·
noch wurde es fro leiſte dú gůte des ich bete·
Mir were ſtarkes h̾zen not·
ich han ſo vil· der kvmb̾lichen ſw̾e·
noch ſanfter tete mir der tot·
danne ich es hil· dc ich alſus gevangē were·
ich leiſte ie ſwc ſi mir gebot·
vn̄ iemer wil· wie vngerne ich ſi v̾bere·
dú zit hat ſich v̾wandelot·
der ſvmer bꝛinget blv̊mē rot·
min wurde rat wolte ſi mir kv́ndē liebú mere·
Solt ich an froͤiden nv v̾zagē·
dc w̾e ein ſin· der nieman gv̊tem zeme·
er mvͤſe ein ſteteſ h̾ze tragen·
als ich enbin · der mich da vō beneme·
der mvͤse zǒberliſte han·
wan min gewin· ſich hvͤbe als er mir zeme·
ſin langeſ froͤmden mv̊ſ ich klagen·
dv ſolt im lieb̾ botte ſagen·
wie g̾ne ich in ſehe vn̄ ſine froͤide v̾neme·
Anmerkungen (Wikisource)
- ↑ Vorlage: lieſſſe.