Lieb mich hat v minne (Mit originalen Lettern)

Lieb mich hat v minne·
ſo frúndelic bevan·
dat ic ǒch mit ſinne·
mv̊s weſen vndertan·

Ic ſac noit ſo rôden mvnt·
noch ǒch ſo minlich ǒgen·
als ſi hat di mic hat gêwunt·
al in dat h̾ze dǒgen·
dog leve ic in hǒgen·
vn̄ hoffe es lon entfan·
geft ſi mir quale dǒgen·
ſi mag miſ better ſan·
Lieb mich hat v minne·
ſo frúndelic bevan·
dat ic ǒch mit ſinne·
mv̊s weſen vndertan·

Mic es wol als ic mac ſin·
bi minre ſconen frǒwē·
vn̄ ic danne ir clarn ſcin·
end er gelat mac ſcǒwen·
got verre ſi van rǒwen·
ſi eſt ſo wal gedan·
dat ic er bet trǒwen·
mv̊s zallen dienſtē ſtan·
Lieb mich hat v minne·
ſo frúndelic bevan·
dat ic ǒch mit ſinne·
mv̊s weſen vndertan·

Reineſ^{[WS 1]} wibes gv̊te·
ſint fúr trurē gv̊t·
ſi gent hoh gemv̊te·
dc gar ſanfte tůt·
ſwēne ſi wellent lachen
vſ blvͤndē mv́ndelin rot·
trurē ſi kvnnē v̾ſwachē
vn̄ v̾tribē not·

Anmerkungen (Wikisource)

1. Vorlage: Eeineſ.