Leider wint̾ vngeſtalt

Leider wint̾ vngeſtalt·
vſwert halt·
din gewalt·
ſere ſmalt·
din kraft duldet bꝛuch vn̄ ſpalt·
din múl niht mer^{[WS 1]} malt·
ſang d̾ vogelin vngezalt·
din engalt·
vn̄ d̾ walt·
des dich ſchalt·
ſpꝛuch d̾ w̾lte māigvalt·
nv iſt din runſ v̾ſwalt·
wol vf reigē ivng vn̄ alt·
ſnewe ſint v̾ſnalt·
w̾dú ivgent dv weſē ſalt·
froͤidē balt·
leit v̾ſchalt·
troſteſ walt·
ſit v̾ſtoſſen vn̄ v̾valt
ſint die rifē kalt·

Iarlang ſol er ſin gemeit·
ſwem eī meit·
mīne treit·
dú dc meit·
dc vs zúhtē nie geſchꝛeit·
froͤid iſt im^{[WS 2]} bereit·
ſeht ſo duld ich arebeit·
vn̄ leit·
ſich entſeit·
bi richheit·
milte gebēnes^{[WS 3]} vnd̾ſcheit·
erge voꝛ ir heit·
ſchande hat vf minē eit·
wite ſich zeſpꝛeit·
lútzel froͤid mich heide bꝛeit·
vn̄ ir kleit·
gruͤn vn̄ weit·
ſwie ſis ſneit·
ſit die herrē ſint v̾zeit·
húr an miltekeit·

Schande ſtark als ein helfant·
vs geſant·
kvmt gerant
ī dú lant·
ſi fuͤret fúrſtē an ir hant·
die da ſīt geſchant·
tugendē w̾t die ſint erblant·
vn̄ erwāt
vn erkant·
gar zertrant·
tv̊nt die edelē ſchilteſ rant·
die da boſheit hant·
milte ich hind̾ kerge^{[WS 4]} want·
birgt alſ eī vaſāt·
eren veſte ſint v̾bꝛant·
ir gewant·
ſtet v̾pfant·
ſit gemant·
ir die mā bi tvgēt ie vant·
mident ſchandē bant·

Anmerkungen (Wikisource)

1. Vorlage: mir.
2. Vorlage: in.
3. Vorlage: gebēdes.
4. Vorlage: kergē.