Kint vn̄ welle dich gelúke midē

Textdaten
Autor: Gottfried von Straßburg
Illustrator: {{{ILLUSTRATOR}}}
Titel: Kint vn̄ welle dich gelúke midē
Untertitel: {{{SUBTITEL}}}
aus: UB Heidelberg 367v und UB Heidelberg 368r
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
In Originallettern. Vergleiche auch Kint vnd welle dich gelúke miden mit aufgelösten Lettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[367v]

Kint vn̄ welle dich gelúke midē·
dc dir got armv̊t gebe an libe vn̄ ǒch an gůte·
dc ſolt gedulteklich lidē·
vn̄ enſolt darvmbe han kein trurē in dem mv̊te·
dv ſolt im es genade ſagē· mit h̾zē vn̄ mit gedaͤnkē·
niemer ſolt dv dar an gewaͤnken·
ſich ſo heizet er dir doꝛt die w̾den froͤide ſchenkē·

Kint armv̊t dc wiſſeſt trut geſelle·
ſw̾ die willekliche hat dc ſolt dv mir gelǒben·
dē ernert ſi voꝛ der tiefen helle·
ſi kan den lip die ſele voꝛ allē ſv́nden rǒben·
armv̊t iſt gegē goteſ zoꝛne dú hohſte ſv̊nerinne·
zwiſchen gote vn̄ vnſ vuͤget ſi die mīne·
die kein engel fuͤgē kan dc nim in dine ſinne·

Kint armv̊t die mīnete d̾ erſte vn̄ d̾ herſte·
d̾ ie wc vn̄ iemer iſt an ende·
armv̊t wc ſin anevang zemerſte·
do in dú ſvͤze mv̊t̾ ſin gebar ī dis ellende·
armv̊t leit er naht vn̄ tag mit armv̊t ſchiet er hīnen·
mit armv̊t mv̊ſt̾ vnſ widergewīnen·
ſich die mv̊ſt dv mīnē ǒch wiltu d̾ helle ent́nnen·

Kint dvn la dich niemā deſ betriegē·
dv enmīneſt armv̊t· dvr got ī dem h̾zen·
ſo mv̊ſt dv dich zv̊ der helle biegen·
da dv an ende dvldē mv̊ſt dē iemer w̾nden ſm̾zen·
got enwolte d̾ mv̊t̾ ſin niht gebē zwei himelriche·
bitt̾ armv̊t leit dú mīnekliche·
d̾ an wirde mēſche wart noh engel nie geliche·

Kīt got ſpꝛach mit ſin ſelbes mvnde·
dc dc himelriche ſi der willeklichē armē·
dc nim in din h̾ze zaller ſtvnde·
noh en la dē mv̊t nah hoꝛde ſeltē dir erwarmē·
gv̊t iſt ane mazē ſchade ze dē eweklichē heile·
es v̾leitet dē man an māigem teile·
da vō wēde dꝛabe dē mv̊t welleſt dv doꝛt ſin geile·

Liebeſ kīt nv wil ich dir betútē·
wa vō gv̊t iſt alſo ſchade· da manſ niht hat zemaze·
es lat got vō herzen ſeltē trútē·
es hat im vil māige ſele erwant an ſiner ſtraſſe·
es birt hohvart hohē mv̊t vn̄ goteſ vil v̾geſſen·
es wil han wib win vn̄ ſvͤzú eſſen·
da vō manig̾ mv̊z [368r] hin abe dē weg zer helle meſſē·

Kint nú wil ich dir beſcheidē m̾e·
wa vō gv̊t iſt alſo ſchade gegē gote vn̄ gegē dē lutē·
es tv̊t māigen[WS 1] gǒch als vberh̾e·
dc ſin blindes h̾ze en kan niemāne dehein ere erbietē·
ſo iſt es ǒch vō art alſo ſwelh mā ſin iht gevahet·
dc d̾ alzehant dē mv̊t v̾ſmahet·
da vō er gotte v̾ret vn̄ der helle nahet·

Kīt nv wil ich dir noh bc beſcheidē·
wa vō gv̊t iſt alſo ſchade gegē gotlichē dingē·
es kan geiſtlich lebē ſere leidē·
es kan wendē vngemach vn̄ zarteſ lebē bꝛingē·
es kan vs dē herzē iagē die ſvͤzē gotteſ mīne·
ſwa din hoꝛt iſt da ſit dine ſinne·
ſpꝛach got ſelbe ſich dv́ woꝛt dú la dir altē inne·

Kint nv wil ich dich noh bc bewiſē·
wa vō gv̊t iſt alſo ſchade ze dē himelſllichē choꝛe·
ſich es machet māigen[WS 2] altē griſen·
dc er wirt an gůtē w̾kē tvmb alſam ein toꝛe·
wā ſin geiles herze wirt ſo vule vō dē gv̊te·
dc er got v̾tribet vſ dē mv̊te·
der in an dē krúze erloſte mit ſinſ h̾zen blv̊te·

Kīt ſiſt dv v̾ſmahet vō dē lútē·
dc dv gv̊teſ niht enhaſt dc la dir niht ſin ſwere·
ſich got wil dich lieblich dꝛvmbe trútē·
an d̾ ſtunt da im vil richer lúte wirt vnm̾e·
nim ein wed̾ hie din wol oder doꝛt din we an ende·
doh nim hie dī we dar an genēde·
vmbe doꝛt iem̾ w̾ndeſ wol nach dirre welte ellende·

Kīt got wart nie niht ſo lieb ſo m̾e·
als im iſt demvͤtekeit an mānē vn̄ an wibē·
vn̄ da wid̾ nie niht alſo ſw̾e·
ſam dú hohvart wā ſi kan ir kint zeder helle t́ben·
ſich nv en ſiheſt dv ir niend̾ me dāne vnd̾ richē lútē·
die kv̄nē ſich ir zedienſte erbútē·
naht vn̄ tag da vō ſolt dv richeit zemaze trútē·

Kīt fúnf dinge ſolt dv habē mīne·
welleſt dv dc dir got lone diner armvͤde·
reinekeit die nim ī dine ſinne·
kúſchekeit in dc h̾ze dī die milte ī din gemvͤte·
naht vn̄ tag ſolt dv demůt vúr dinú ǒgē ſpānen·
gedultig ſin gegē frowē vn̄ gegē mānen·
ſih ſo wirdeſt dv niht doꝛt mit den bēnigen v̾bannē·

So die richen lúte ſint gedꝛūgē·
an dc alter dc ſi niht mvgē me die hohvart vͤben·
ſo ſpizzent ſi ab̾ vf die ivngē·
vn̄ lerēt ſi hohvart dú got da kan betruͤbē·
ſvs hant ſi die hohvart vnz an dc ende·
ſo ſcheidēt ſi dir vō dc iſt vnwende·
got dvrh ſinē tot vns allē ſin genade ſende·

Anmerkungen (Wikisource)

  1. Vorlage: maīgen.
  2. Vorlage: maīgen.