Ich minne in minem mv̊te

Ich minne in minem mv̊te· ein ding vnd hasse da bi zwei·
des einen sol dur got mich nieman vragen·
dc ander sage ich fúr ein spel ·nv merket alle meister wc dc si
deswar ich ahte vf mundes minne niht ein ei·
swes herze min ze schaden doch wil lagen·
da enkan min gůter wille volleklichen niemer werden bi·
min mv̊t dem selben mv̄de enkit·
als er mich vraget in den selben trúwen·
sin wille in minem herzen lit·
vnd bin im des wol iemer eben núwe·
sus lache er mir so lache ich ime· des sin beide fro·
nv lâsse es dort vnd singe es hie trios trien triso·