Ich kv́nde in dē done

Ich kv́nde in dē done·
der tag wil ſchone·
wil vf ſin·
ſw̾ tǒgē mīne·
d̾ begīne·
wachē des iſt zit·
ich hoͤꝛe vf dē zwigen·
ſingende ſchꝛien·
vogellin·
der tag wil nahē·
hinnā gahē·
ſol ſwer tǒgen lit·
ich warne alſo·
ſpꝛach d̾ waht̾ in ſoꝛgē·
der merker dꝛo·
lit ī ſlafe boꝛgē·
vf dirre mvre·
ſtan ich vn̄ trure· ſere·
wc ſol ich mere·
frúnde vn̄ viende ſagē·
wā es wil ſchiere tagē·

Dú rede ein ritter·
duhte vil bitter·
da er lak·
bi einer frowē·
dú gie ſchowen·
zeinē venſt̾lin·
ſi ſach vil vng̾nē·
den moꝛgē ſt̾nen·
grawē tag·
dú wolken griſe·
ſi ſpꝛach liſe·
lieb̾ h̾re min·
der waht̾ giht
er ſehe des moꝛgen ſchin·
des wene ich niht·
dien kleinē vogellin·
dꝛǒmet vf eſtē·
des ſt̾nē gleſtē· trúget·
d̾ waht̾ livget·
des er ſich ſchamē mag·
wā es iſt noh niht tag·

Der ritt̾ vil ſv̊ſſe·
mit liebē grůſſe·
māgē kus
bot rotē mvnde·
kvrzer ſtvnde
do der waht̾ ſweig·
er rief ab̾ lute·
trut ſich vō trute
ſcheide ſus·
dc valſche hůte·
pfandes iht mv̊te·
ſa d̾ ritt̾ neig·
der frowē ſin·
da ſchiet ſich lieb mit leide·
vil manigē pin·
trůgē ir herzē beide·
ſvs kan dú minne·
mv̊t vn̄ ſinne· teilē·
wūden vn̄ heilē·
d̾ helt ſlǒf dur dē hag·
alda luhte im der tag·