Ich ſing vn̄ ſolte weinen

Ich^{[WS 1]} ſing vn̄ ſolte weinen·
den tugenthaften ritterſ lip·
das nicht mīs ſanges meinen·
dich kā gemanen w̾des wip·
Noch hoͤꝛe wiſen rat
d̾ tag uf gat·
vn̄ lat div nacht ir vinſt̾ varw alſ ie
vil ſchone wip bewar·
das er wol gevar·
d̾ gar an mine hǒte ſich verlie·

Des^{[WS 2]} wachters clage ſingen·
mit iam̾ mī hertze bꝛach·
da von ein miſſelingen
an lieben froͤnden ir geſchach·
ir leides huſgenoz·
d̾ trehene floz·
begoz· ir beid̾ wengel do vil gar·
ſi ſpꝛach frúnt h̾re mī·
wie ſol ich din·
nu ſin· v̾weiſet all̾ſelden bar·

Der^{[WS 3]} wacht̾ ſang ab̾ lúte·
mit zoꝛn vn̄ doch ī frúndes clage·
ſwa lieb betagt bi trute·
da kumet d̾ m̾k̾e ſage·
ein h̾tze in froͤden ho·
ſol minnen ſo·
das fro· dar nach div liebe vn̄ lang beſte·
wirt ſi d̾ hůt erkant·
ſo wirt zehant·
geſāt· ir wūne· ir lange w̾nde we·

Sins^{[WS 4]} liebens kúnegīne·
d̾ ritt̾ an ſich nah̾ twang·
da ſchůf div w̾de mīne·
von beiden ſuͤſen vmbevang
ein lieb̾ nah̾ ſmuk·
ir múndel dꝛuk·
ein fluk· ir h̾tzen an ein and̾ da·
tæt kūt ir mīne gir·
ſi im er ir·
an dir· mī leben lit· nút ander fwa·

Von^{[WS 5]} den gelieben beiden·
wart da mit willē vmbegert·
ein iam̾liches ſcheiden·
dem ritt̾ vn̄ der frǒwen w̾t·
ir wūneklich gemach·
dc ſcheiden bꝛach·
vn̄ iach· in wandelunge^{[WS 6]}· lieb in leit·
ir h̾tzen wehſel wart·
da nit geſpart·
dir wart· alſo geſchach· d̾ tag zů ſchꝛeit·

Anmerkungen (Wikisource)

1. Vorlage: ch.
2. Vorlage: es.
3. Vorlage: er.
4. Vorlage: ins.
5. Vorlage: on.
6. Vorlage: wadelunge.