Hoͤꝛent wie dú frîe nahtegal
[24v]
Hoͤꝛent wie dú frîe nahtegal·
ſvͤſſen ſchal·
durh welde in owen doͤnet·
winter din gewalt iſt woꝛden ſmal·
vber al·
der meije hat gekroͤnet·
berge vn̄ tal mit maniger bluͤte wilde·
die man ſach von rifen gra·
viol bla·
man vindet vf gevilde·
Minne richer lip gar minneclich·
tů als ich·
vn̄ minne mich alleine·
ſit min herze alleine minnet dich·
liep nv ſich·
min trvren das wirt cleine·
ob ich ſteten frúnt an dir gewnne·
das laſ[WS 1] dienen minen lib·
ſelic wib·
din gvͤte mir des gvnne·
Anmerkungen (Wikisource)
- ↑ Vorlage: lach.