Froͤidenrich̾ ſvͤſſer meîe
[252v]
Froͤidenrich̾ ſvͤſſer meîe·
dv ſolt willekomen ſin·
ſchoͤne blv̊mē manig̾ leie·
bꝛinget vns din liehter ſchin·
ia haſtv die w̾lt vil gar geſchoͤnet·
fri gefroͤnet· vogellin·
Da bi hoͤꝛt man ſvͤſſe ſingē·
die vil liebē nahtegal·
in dē walde lute erklingē·
ir vil wūneklichē ſchal·
da hat ſi den ſvmer wol gehuſet·
v̾kluſet ſtêt ir ſal·
[253r] Ob wir hie bi trurig w̾en·
wie gezême vns ivngē das·
bi ſo wūneklichē meren·
zimt vns froͤide michels baſ·
ia ſvln wir den lúten froͤide machen·
gar v̾ſwachē· argen has·