Es get nu in die erne (Mit originalen Lettern)

Es get nu in die erne·
vil ſchon̾ dirne fin·
ſwer froͤide habe g̾ne·
der ker mit in dahin·
darzů get manig eile·
dar mit ir tocht̾lin·
das kumt v́ ǒch zeheile·
went ir geſlǒfig ſin·
hete ich ein lieb das giēge dar·
ich neme ſin in d̾ ſchúre war·
da wurde ich lichte ſoꝛgen bar·

Es iſt dien wol geteilet·
d̾ frowen gênt dahin·
des ſich ir h̾ze geilet·
es wirt licht ir giwin·
wol vf ir ſtolzen knechte·
dien ſtet vf mīne ir ſin·
v́ch kumt dú erne rechte·
wan tůt v́ch zemen in·
da ſagent ſpel ir ivngen man·
dú man wol ane lernen kan·
ſtatte machet lichte dams v́ da gan·

Swer ſich kan zůgemachen·
ſwies ſi von erſt in leit·
es wirt darnach ir lachen·
ſo ſpel giſeit·
als man vf ſtro ſol ſagē·
da dirnen ſint gemeit·
ob ſi das wen v̾tragen·
das toͤdet ſende arbeit·
da iſt dú kurzewile gůt·
mit ſpeln ſam enentz baches tůt·
wol vf in die ern dú hoͤhet můt·