Er bit kv́nſte vn̄ ſinnes rat
[427v]
Er bit kv́nſte vn̄ ſinnes rat·
ſw̾ ſīgē welle von der ſcham·
wa vō ſi wirt wc vō ir kam
wcs[WS 1] an dē lútē tůt·
gar manicvaltig iſt ir[WS 2] tat·
wie dc doch eine ſi ir name·
ſi iſt wilēt ſchade vn̄ wilēt vꝛom
nv boͤſe vn̄ dāne gv̊t·
ſcham iſt voꝛ argē w̾ken gv̊t·
iſt dc ſi miſſetat darīne wēdet·
geſchiht des niht reht als eī blůt·
nach arger tat· ſchame roͤtet vn̄ ſchendet·
ſcham iſt niht gv̊t gegē gv̊t̾ tat·
ſi ſenket ſo dē in d̾ helle grúnde·
der hie dur ſine ſchame lat·
dc er niht bihtē wil die ſine ſv́nde·
Swar d̾ v̾ſchamtē ſchandē ham·
ſich ſenkē wil ī mēſchē mv̊t·
dvr dc vꝛo ere dannē var·
mit manig reiner tvgēt·
da zwiſchē miſchet ſich ein ſcham
ir rat dē eren helfe tv̊t·
dú wid̾ſtritet ſchādē ſchar·
mit manig̾ tvgent mvgent
dv́ ſcham dem mv̊te ſa benimt
d̾ ſchandē tat· vs ereg̾ndē willē·
ſwc hohē erē miſſezimt·
dc kan dv́ ſcham in meſchē h̾zē ſtillē·
dú ſcham iſt gv̊t̾ eren hoꝛt·
die kv́ſterichē meiſt̾ hant geṕſet·
dv́ reinē w̾k vn̄ kúſchen[WS 3] woꝛt·
ir volge[WS 4] beide leret vn̄ wiſet·
Swa ſcham vs toͤꝛſchē h̾zē kvmt·
dv́n iſt bi tvgēdē niht gezamt·
wā mag ſi wol zv̊ ſchandē zelē·
vnfrúhtig iſt ir ſtam[WS 5]·
dv́ ſcham eht niend̾ zerē vꝛumt[WS 6]·
ſwa ſich d̾ man des gv̊tē ſchamt·
ſwelh ſchame lert dc erger weln·
dc iſt niht rehtú ſcham·
wen pfaffē ſich d̾ blattē ſchamē·
vn̄ grawe mv́nche ſchꝛoteſ ob den oꝛē·
vn̄ hirtē ǒch ir amteſ namē
deſ ſi da lebēt da bi ſo kieſēt toꝛē·
die pflegent alle tvmb̾ ſitte·
die ſich deſ ſcham̄t deſ ſi doh ſint geret·
da iſt dv́ ſchame vnſchuldig mitte·
ſcham iſt ein tvgēt d̾ ſi zv̊ rehte keret·