Ein seltzame Sunnen vr

 

Editionsrichtlinien:

• Als Grundlage dienen die Wikisource:Editionsrichtlinien
• Überschriebene e über den Vokalen a, o und u wurden hochgestellt, Abkürzungen sind aufgelöst.

Secht an die wunderlich Figur
Wie ein seltzame Sunnen vr
Wie ku^enstlich ist sie gepunckirt
Auch gantz artlich geziuerirt

5

Mit dem Zirckel vnd quaderangel

An dieser vr weyß ich kein mangel
Man machs an thüren oder zynnen
In stuben ku^echen kammer innen
So yß in all winckel gerecht

10

Vnd zeygt allmal wie offt es schlegt

Es schein die Sunn gleich oder nicht
Regn schney sey finster oder liecht

So zeygt sie ein mal wie das ander
Wie manß versteen soll merckt alsander

15

Wann die vr auff dem sechsen ste

Jderman auß dem pette ge
Das reyssent vrlein auch bedewt
Das es ist vmb die suppen zeyt
Vmb Sibne so ge zu dem mett

20

Vmb Achte wider in das pett

Vnd ruhe ein weyl auff disen durst
Vmb Neunne kauff dir semel wurst
Ein Maßweinß ist darzu gerecht
Darbey sytz pyß es Zehene schlecht

25

Dann ge auff das fru^e stu^eck spaciren

Biß der Zayger thut Aylffe riren
Dann ruhe ein stundt biß Zwo^elffe schlag
Alda iß eben gleych mittag
Da iß vnd fu^ell dich eben satt

30

Biß der Zayger auff eins hin gat

Dann lig ein stundt in dem Faul pett
Biß der Zayger auff Zweyen stet
Alßdann ge du hin zu dem wein
Da auch solch voll gesellen sein

35

Vnd drinck von Zweyen biß auff drey^[1]

Schaw das ein Ganß gepraten sey

Da schlemm biß das es Vier schlag
Alß dann nach einer Kartten frag
Dann setz offt auß vnd zeug wenig ein

40

Biß die Sunn auff die Fu^enffe schein

Vnd hest darnach nit gnug daran
So heb auch zu mu^embschantzen an
Dann verleuß erst gelt nach der pauß
Biß auff Sechse dann iss gar auß

45

Dann ge haim wie ein dauffte mauß

Zu morges streich zum thor hinauß

Wer Els wer. das wir nit Reich wern[?].

Anmerkungen (Wikisource)

1. Vorlage: d ey