Ein kneht der lag verborgen
[309v]
Ein kneht der lag verborgen·
bi einer dirne er slief·
vnz vf den liehten morgen
der hirte lute rief·
wol vf las vs die herte·
des erschrak dú dirne vnd ir geselle wert·
Das strǒ dc mv̊st er rumen·
vnd von der lieben varn·
er torste sich niht svmen·
er nan si an den arn·
das hoͤi dc ob im lag·
dc er sach dú reine vf fliegen in den dag·
Da von si mv̊ste erlachen·
ir sigen dú ǒgen zv̊·
so suͤsse kvnde er machen·
in dem morgen frů·
mit ir dc bette spil·
wer sach an gerête· ie froͤiden me so vil·