Doctor Brants Narrenschiff/Von Undankbarkeit

« Sein selbst vergessen Sebastian Brant
Doctor Brants Narrenschiff
Selbstgefälligkeit »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[74v]

Wer bgaert / das man jm dyen all tag
Vnd er doch danck / vnd lon versag
Ist wol / das man jm die brütschen schlag



Narrenschiff (Brant) 1499 pic 0060.jpg

Von vndanckbarkeyt.


Der ist eyn narr / der vil begaert
Vnd er nüt duot der eren wert
Vnd gybt eym mueg / vnd arbeit vil
Dem er doch wenig lonen wil

[75r]

5
Wer von eyner sach will haben gewynn

Billich setzt der jnn synen synn
Das er ouch kosten leg dar an
Will anders er mit eren stan /
Gar seltten jn sym wesen blibt

10
Eyn mued roß / das man über tribt

Eyn willig roß würt stettig baldt
Wann man das fuotter jm vorhaldt
Wer eim vil ding zuo muoten gtar
Vnd lonen nitt / der ist eyn narr

15
Wer nit mag haben wol für guot

Was man vmb zymlich lon jm duot
Der soll zuo zytten sich nit klagen
Ob man jm arbeyt duot versagen
Jo sol man jm die brittschen schlahen /

20
Wes einer will das er genyeß

Der luog das er ouch wider schyeß
Vndanckberkeyt nymbt boesen lon
Sie macht den brunnen wassers on
Eyn altt zystern nit wasser gytt

25
Wan man nit wasser noch dryn schytt /

Ein dueren angel gar bald kyerrt
Wann man jn nit mit oel ouch schmiert
Der ist nit würdig groesser schenck
Wer an die kleynen nit gedenck

30
Dem würt billich versagt all gob

Der vmb die kleyn nit saget lob
Der heißt wol on vernunfft / vnd grob
All wisen ye gehassent hant
Den / der vndanckbar wart erkant