Hauptmenü öffnen

Wikisource β

Doctor Brants Narrenschiff/Von Schriftverächtern

< Doctor Brants Narrenschiff
« Von undankbaren Freunden Sebastian Brant
Doctor Brants Narrenschiff
Von unbesonnenen Narren »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[15v]

Wer yedem narren glouben will
So man doch hoert der gschrifft so vil
Der schickt sich wol jns narren spil


Narrenschiff (Brant) 1499 pic 0012.jpg

Verachtung der gschrift


Der ist eyn narr der nit der gschrifft
Will glouben die das heyl antrifft
Vnd meynet das er leben soell
Als ob keyn gott wer / noch keyn hell

[16r]

5
Verachtend all predig vnd ler

Als ob er nit saeh noch hoer
Kem eyner von den dotten har
So lieff man hundert mylen dar
Das man von jm hort nuwe mer

10
Was wesens jn der hellen wer

Vnd ob vil lüt fuerend dar jn
Ob man ouch schanckt do nuwen wyn
Vnd des glich ander affen spyl
Nuon hat man doch der gschrifft so vil

15
Von alter vnd von nuwer ee

Man darff kein zügniß furter me
Noch suochen die kappel vnd klusen
Des sackpfiffers von Nickelshusen
Got redt das vß der worheyt syn

20
Wer hie sünd duot / der lidt dort pyn

Wer hye syn tag zuo wißheyt kert
Der wirt jn ewikeyt geert
Gott hat geschaffen das ist wor
Das saeh das aug / vnd hoerr das or

25
Dar vmb ist der blindt vnd ertoubt

Der nit hoert wißheyt vnd jr gloubt
Oder hoert gern nuw maer vnd sag
Ich voercht / es kumen bald die tag
Das man me nuwer maer werd jnn

30
Dann vns gefall vnd syg zuo synn

Jheremias der schrey vnd lert
Vnd wart von nyeman doch gehoert
Des glichen ander wisen me
Des ging har noch vil plag vnd we