Do ir v̾ſagen mir ſo nahe gie

Do ir v̾ſagen mir ſo nahe gie
do dahte ich des ob ich nahē w̾e·
dc ich v̾geſſe ein teil miner ſw̾e·
do hůb ſich erſt dú not an mir·
mich getwanc dú mīne harter nach ir·
dāne ſi tet ze ſúrie in dē lande·
da bi ich rehte an mir ſelbē erkande·
dc ich des niem̾ enpfliehē kan·
ich enſi ir ſtete als do ich ſin erſt began·
do ich mit trúwē dc h̾ze an ſi wande·

Wil ſi dc ich vō ir ſcheide· dē mv̊t
vn̄ mī h̾ze vō ir mīnē kere·
ſo ſol ſi laſſē ir ſchoͤne vn̄ ir ere·
ob ſi d̾ beider v̾zihē wil ſich·
da mit mag ſi vō ir ſcheidē mich·
ſwar ſo dc keret ſo mv̊s ich belibē·
vn̄ iem̾ dienē dar voꝛ allē wibē·
w̾e d̾ ſchonē mī dienſt ſo leit·
als ſi nv lange mir habita hat geſeit·
ſo moͤhte ſi mich wol vō ir t́ben·