Div w̾lt noch ir altē ſitte
[65r]
Div w̾lt noch ir altē ſitte·
an mir begat mit nide·
ſi vert mir wūderliche mitte·
ſi wellēt dc ich mide·
den beſten frúnt den iemā hat·
wie ſol des iemer w̾den rat·
ſol ich ir lange froͤmde ſin·
ich weis wol dc tůt ir we·
dc iſt dú meiſte ſoꝛge min·
Niemā vindet mich dar an·
vnſtete mines mv̊teſ·
in ſi der eine· der ir gan·
vil eren vn̄ gv̊tes·
ſi kan mir niem̾ w̾den leit·
des búte ich mine ſicherheit·
alſo trurig wart ich nie·
ſwēne ich die wolgetanen ſach
min ſenendes vngemach zergie·