Die liehtē liebe ſvͤſſe tage reine
[317r]
Die liehtē liebe ſvͤſſe tage reine·
die ſint zergan·
o we leid̾ vō der truͤbē zit·
da vō ich were ganzer froͤidē eine·
wā dur dē wā·
d̾ mir liebet vn̄ nahē lit·
vmbe ein kint· dar alle mine ſīne·
gewendet ſint· erwirbe ich ſine mīne·
ſo wird ich geil·
vn̄ han der w̾lde minē teil·
Das iſt ein wib dar ich mich han gewēdet·
nv manigē tag·
an d̾ vinde ich niht wā kindes mv̊t·
mich hat min h̾ze lāge dar geſendet·
dc ringe wag·
ir genade als es noh leider tůt·
het ir lib· nah minē willē guͤte·
ſi w̾e ein wib· dú mich vō vngemvͤte·
wol ſchiede gar·
nv iſt deſ niht doh ſinge ich iemer dar·