Die ich vs al der welte zefrowen habe erkorn

Die ich vs al der welte zefrowen habe erkorn·
ze hohen froͤiden mir zetrost zewunne vnd ǒch zeheile·
dú hat an mich gewant ir has vnd ǒch ir zorn·
ich mv̊s verderben wirt mir niht ir werder grůs zeteile·
si reine besser danne gůt·
si svnder trut si mannes zart· si krone ob allen frowen·
swc si mir eine leides tůt·
vnd niemen mêr den svnder wandel mac man an ir schowen·
ia si reine svͤsse senfte morderin·
min herze ist doch bi ir swa^{[WS 1]} ich der lande bin·
ir zuht ir ere ir lob ich ie zem besten mas·
swie selten si gedenke an mich in trúwen ich ir nie vergas·

Anmerkungen (Wikisource)

1. Vorlage: ſwar.