Der winter w̾e mir ein zit

Der winter w̾e mir ein zit·
ſo rehte wūnekliche gv̊t·
wer ich ſo ſelig dc ir ſtrit·
getroſte minē ſenden mv̊t·
o wol mich danne langer naht·
gelege ich als ich willē han·
ſi hat mich in eī truren bꝛaht·
des ich mich niht gemâſſen kan·

Wie tv̊t der beſtē einer ſo·
dc er min ſenen mag v̾tragē·
es w̾e wol vn̄ wurde ich fro·
ich kvnde wol ſin ane klagē·
ob mir nv leit vō im geſchiht·
der mir iſt nahe an min h̾ze komen·
wc hilfet zoꝛn als er mich ſiht·
den hat er ſchiere mir benomē·