Der ſvmer ſvm̾b̾nde kvmt
[253r]
Der ſvmer ſvm̾b̾nde kvmt·
mit wūne wūnekliche·
des lǒbeſ lǒbet manig walt die blůmē bluͤmēt velt·
dú zit enzit an froͤidē frumt·
mit blvͤnd̾ bluͤte riche·
die ſuͤſſen doͤne doͤnēt vogel ir ſingē ſangeſ gelt·
mit ſchoner gruͤne gruͤnet tal· vs roͤte rot da gleſtet·
ī bꝛuner bꝛvne purper var der meije ſich nv geſtet·
hie gelw̾ gel dert blawer bla·
da wîſſe wîſſer lilien ſchin·
got v̾wet varwe vil d̾ w̾lte· die welt bas and̾ſwa·