Benutzer:AndreasPraefcke/Baustelle

Fol. 61r

Item Vallis schussine a schussina fluuio deno[m]i[n]at[ur] das schussental nymbt seinenn namen von dem wasser genant die Schuss, die da enntspringt bey dem dorff vnnd kloster schussenried, In latein soreth genannt, des orden von p[rae]monstrat, das die Herrn von schussenriedt gestifft haben; vnnd das schussentall ist ain guts tal mit allerlay notturfft, vnnd das wasser genannt die schuss hat gut vnnd manigerlay visch vnnd auch gut krewssenn rint für vill dörffer und flewst zu rauenspurg für die stat, do taylt sich [da] in zway tail, die schussen unnd den schussenbach, vnnd flewst für baser^[1] für das kloster, die weysaw^[2] genannt, das auch des orden von p[rae]monstrat ist vnnd das erstlich gestifft hat ain frey herr von rauenspurg genannt der reich her gebs^[3] vnnd flewst aber fürbas für ettliche dörffer in den Bodensee, vnnd das wasser genannt die schertz, das durch den fleckhn Alttorff pey dem kloster weingartten gelegenn flewsset kombt in die schussen, vnnd das kloster ist sannd Benedictn orden dar inn rasst^[4] das heylig plut, das kloster habenn gestifft die Graffn von Alttorff genannt die wellffen, die nochmallen hertzogn von payrn vnnd sachssenn zu spolet vnnd Tuschkan^[5] in ytalia, auch zu Brawnschweig vnnd Lünenburg worden sein, vnnd all hertzogen von braunschweig, vnnd Lünenburg, die yetzundt in leben sein, sindt anfänngklich vnnd ursprüngklich aus dem geslecht der wellffen enntsprossen, vnnd der heilig sannd Conradt Bischolff zu Costnytz ist ain Graff vonn Allttorff gewesenn, des geslechts der Welffen, des selbn gleich Otto der vierd ain Römischer Kayser, hertzog zu Braunschweig vnnd Lünenburg Auch hertzog hainrich von sachssen Bayrn Braunschweig vnnd Lünenburg genannt der leb^[6], des obgenannten kayser Otto vater ist ain grosser lanndtfarer gewesen vonn dem ain schöne aigne historien geschriebnn ist, Ist auch vom geslecht ain wellff vnnd Graff von Allttorff gewesenn, Item Rauenspurg im schussental ain reichstat hat vorzeitten Rauenaw oder die allt rauenspurg gehaissenn vnnd ist die selb zeit ain klains stattel gewesen die wasser schuss vnnd schussenbach rynnen baid für rauenspurg vnnd die stat hat vier tor das Erst vnnser

1. fürbass: weiter
2. Kloster Weßenau
3. der reiche Herr Gebizo
4. rastet im Sinne von "ruht"
5. Spoleto und Toskana
6. der Löwe