Vnd stell do mit noch hochfart gwynn
Vnd meynt dar durch syn stoltz / vnd kluog
Wer wiß ist / der kan kunst genuog
Wer lert durch hochfart / vnd durch gelt
Glich als eyn naerrin die sich mutzt
Vnd spieglen duot / der welt zuo tutz
So sie vff spannt des tüfels garn
Vnd macht vil selen zuo der hellen farn
Do durch der tüfel suocht groß lob
Vnd hat gefürett manchen hyn
Der sich bedunckt vor witzig sin /
Balaam gab Balach eynen rott
Vnd nit moeht jn dem stritt beston
Das es durch frowen zuo moecht gon /
Hett Judith sich nit vff gezyert
Holofernes wer nit verfuert /
Do sie meynt Jehu gefallen wol
Der wiß man spricht / ker dich geschwynd
Von frowen / sie reitzt dich zuor sünd
Dann naerrin vil sint also geil
Vnd meynen / es sol schaden nüt
Ob sie eyn blick dem narren gytt
Worlich gesicht / bringt boeß gedanck
Vnd setzt eynen vff den narren banck
Sebastian Brant: Doctor Brants Narrenschiff, Basel 1499, Seite 123r. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Narrenschiff_(Brant)_1499_0245.jpg&oldid=- (Version vom 18.8.2016)