Das fleschlin es on duren zoch
Wir wolten jm brieff geben han
Wolt es doch nit so lang still stan /
Des kumen wir die straß hie schlecht
Die mit der kuchen sint behafft
Wir tragen all vff nach kuntschafft
Dar vß keyn duren vnß bestat
Vß vnserm seckel es nit gat
Zuo huß ist / vnd es nyeman sicht /
So schlemmen wir vnd tabernyeren
Froemde prasser / wir mit vnß heym fueren
Vnd geben do gar manchen stoß
Wann nachts die herschafft schloffen gat
Vnd rygel / tor / beschlossen hatt
So drincken wir dann nit des boesten
Wir lossen vß dem vasß / dem groesten
Ans bett / wir dann eynander fueren
Doch duont wir vor zwen socken an
Das vnß die herschafft nit hoer gan
Vnd ob man schon hoert ettwas krachen
Vnd wenn eyn kleyn zyt vmbhar gat
So waent der herr / das er noch hat
In sym vaesßlin eyn guoten drunck
So macht der zappff dann glunck glunck glunck
Sebastian Brant: Doctor Brants Narrenschiff, Basel 1499, Seite 106v. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Narrenschiff_(Brant)_1499_0212.jpg&oldid=- (Version vom 18.8.2016)