dc mir mine sinne neme
ich wil dc mir tac vnd naht baz gezeme.
mit der ich so ringe menege zit.
obe ich lieze nv den strit
den min herze deme libe gebot.
so verdvrbe ich vnd wurde vnsanfter mir danne ê.
nv si dir wol so si mir we.
vf genade diene ich doch
dv gelones mir nahtes oder tages noch.
dc dv͛ naht wil an ir crefte[WS 1] stigen.
si langet vnd ist kalt
si machet die gelieben balt
no[1] nahen nieman si gelegen mac
dv͛ wunne ist bezzer danne ein heizer langer tac.
die man ane tv͛gende vindet niemer
ir wol gestalter lip
ane allen (Bl. 34b) wandel selic wip.
schafe ein ende miner langen clage
so merent sich die mine vroide alle tage.
nv geschehe an mir des ich dir gvnne
so gan ich dir des wol
swaz liep mit liebe liden sol
nv lose mich von miner sweren not
also dc ich erlache gegen dem morgenrot.
- ↑ Lies so.
Anmerkungen (Wikisource)
- ↑ Vorlage: creste.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 285. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_285.png&oldid=- (Version vom 7.1.2019)