mich vor den iaren werden alt.
owe min wie[1] dc vůget si.
dc si mich weiz also gemv̊t.
swie sere si mir tv̊t gewalt.
dc ir min herze ist stete bi.
nv si eth stete ich wil mit sige oder ane sig beliben.
mir mac min gv̊t gedinge noch die sorge wol vertriben
obe mir ir gnade gnedecliche wirt erzeiget.
dc flehen sv̊ze am ende wirt.
solt allez dc ich we geschre mit vreiden gar geswͤiget.
dc sich min herze hohen mv̊z von schvlden.
owe wan weren nv die edelen ivngen vro.
so mohte ich ir gedienen wol ze hvlden.
wie mohte ich eine ir hohes lop zevollim werde bringen.
in kvnde ez niht in tv͛sent tvsent iaren gar gesingen.
dar vmbe hat ich vreide gerender helfe gerne vnd ioch ir rat.
wc obe ir ereslicher[2] och vf liep gedinge mit[3] glichen kvmber hat.
den mac dv͛ minnecliche wol verenden.
ich svnge ich sagete ir also hovelichen danc
gervhte si min vngemv̊te wenden.
des (Bl. 18a) sich ir oren mvͤste ervreuwen. vnd och ir herze erlachen
owe wie kan si selic wip so hohgemv̊te machen
er sol zerhte[4] lange mezzen der an si so ebene maz.
dc er an ir zerwelte nie nach vollem wunsche weder des noch des vergaz.
an libe an schone an eren vnd an mv̊te.
wirt mir von ir gnaden swere niht benomen
dc mir niht anders mac geschehen ze gv̊te.
ineweiz waz wunders ieman hie bevor an wiben sehe.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 176. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_176.png&oldid=- (Version vom 7.1.2019)