Seite:Literarischer Verein Stuttgart IX 144.png

	Verschiedene: Bibliothek des Literarischen Vereins in Stuttgart (Band IX)

die mv̊gen mir wol gebieten me
ich sol singen vnd sagen
vnd swes si gern dc sol ich tv̊n. so svln si miner^[1] kvmber clagen.

112.

Hœret wunder wie mir ist geschen

von min selbes arbeit.
mich enwil ein wip niht an gesen.
die braht ich in die werdecheit
dc ir mv̊t so hohe stat.
ion weiz si niht swenne ich min singen laze dc ir lop zergat.

113.

Herre waz si vluͤche liden sol(H. 1, 252^b; L. 73.)

swenne ich nv laze minen sanc.
alle die nv loben dc weiz ich wol
die schelten denne^[2] ane mine^[3] danc.
tv͛sent herzen wurden vro.
von ir gnaden des engeltent si lihte ich mich von ir also. (so)

114.

So mich dvhte dc si were gv̊t.

wer wc er^[4] bezzer do danne ich
dest ein ende swc si mir getv̊t
so mac si wol verweinen^[5] sich
nimet si mich von dirre not.
ir loben hat mines lenbennes ere. sterbet si mich so ist si tôt.

115.

Solde ich in ir dienste werden alt

die wile ivnget si niht vil.
so ist min har vil lihte also gestalt
dc si einen ivngen danne wil.
so helfe vch got herre ivnger man.
so rechet mich vnd gant ir alten hv̂t mit svmer latten an.

116.

     Die mir in dem winter vroide hant benomen§     (H. 1, 257^b)

si heizen wip si heizen man
disv͛ svmer zit. dv͛ mv̊z in baz bekomen.
owe dc ich niht vlůchen kan

1. Lies mînen.
2. denne ist ausgekratzt.
3. So, lies mînen.
4. Lies ir.
5. Lies verwænen.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 144. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_144.png&oldid=- (Version vom 7.1.2019)