Seite:Hugo Martina 1856 0733.png

	Hugo von Langenstein: Martina

50

Demuot die clage wol vernimet

So tragent die argen schalke haz

Und sint gen aller bette laz

Einer tugende pflegent hunde

Der ich wol den herren gunde

55

Die grozin hunde bizint niht

Cleine hunde so man giht

291c,57

Daz ist der tugende hofart

Diu doch vil liuten ist gespart

Swer den anderen vbir mac

60

Der stozit in in sinen sac

Da von ich genaden muote

Den meistern vnd wil ir ruote

Zebuoze minen ruggen bieten

Ir genaden hulden mieten

65

Mich mit willen gerne strowen

Fur die hvnsterichen lovwen

Daz mich ir wisiv zeseme

Mit ir kvnste zvhte beseme

Genedeclichen hie beswinge

70

Und mine swere vorhte ringe

Ich muoz ein bispel sagen

Waz mohte eren nv beiagen

Ein kvnic an einen durftigen

Ez were zelaster im gedigen

75

Und muoze sich dez iemer schamen

Ersluger einen blinden lamen

Den meistern wuhse laster groz

Wurde ich ir genaden schoz

Unmilteclich verdrungen

80

Miner cranken kvnste zvngen

Fuore ich vf genade für

Ze miner wisen meister kür

Daz si nach mines herzin gir

Ir genade begen an mir

291d,85

Dez han ich me danne zwir

Gebetten also tuot och ir

Dez buchelines anevanc

Daz ich wol erkenne cranc

Ergie mit blugem sinne

90

In sant Martinvn minne

Ez ist niht von ritterschaft

Noch fleischelicher minne craft

Div der tumben welte kint

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 733. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0733.png&oldid=- (Version vom 18.8.2016)