Seite:Hugo Martina 1856 0717.png

	Hugo von Langenstein: Martina

Und die welt gar verswachet

5

Von anegenge der welte zit

In sehz alter geteilit lit

In dem sibenden wir nv leben

Keines furbaz wirt gegeben

Wan nach der vrstende dort

10

In dez himelriches hort

Oder aber in die helle

Div sehz alter ich iv zelle

Daz erste von adame gie

Untz an den steten noe hie

15

Von noe vntz an abrahamen

Gie daz ander mit sinem namen

Uon abrahame daz dritte

Gie mit gewonlichem sitte

Vntz an den milten moyse

20

Der enpfie die alten e

Uon dem daz vierde alter gienc

Vntz an dauiden der enpfienc

Uon gotte riche vnd cron

Die truoc er lange vnd schon

25

Von dem kvnge dauide hoh

Daz funfte alter sich gezoh

Untz an die sweren burden

Daz die iuden alle wurden

285b,29

Zebabilon geuangen braht

30

Da waren siv in herter aht

Sibinzic iar beclemmet

An froden gar erlemmet

Daz sehzte alter do geschach

Uon der vancnvst vngemach

35

Vntz an die suzen stunde

Do ez schone tagen begunde

Und der ware sunnei erschein

Der edel karfunkil stein

So von der megde glaste

40

Mengem so liebin gaste

Die in der vinster lagen

Vnd luzil frovden pflagen

Die dez lihtes gebitten hatten

Da an dez todis schatten

45

Daz was der hohe gotes barn

Der von himel kan gevarn

Her vf der wilden erde tan

Und vns allen hie gewan

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 717. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0717.png&oldid=- (Version vom 18.8.2016)