Seite:Hugo Martina 1856 0697.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Einer trittet ein springet

Einer spilt einer reiget

Ein wunnet einer meiget

Einer suz einer so

10

Menger hande frode fro

Dez sint die traht der welte

Die doch mit leidem gelte

Der grimme tot verendet

Der liplich frovde wendet

15

le grozir frovde hie vnd ere

Ie grozer dort herze sere

So nach dem iungsten zil

Got vns allen lonen wil

Als ieglicher gedienet hat

20

Dez man nieman da erlat

Da wirt div wunne ersuret

Fur diz lachin wirt getruret

Fur diz frode geweinet

Rivwe fur trost erscheinet

25

Dez sin wir wol gewarnet

Disiv frode wirt erarnet

Mit iemer werdem leide

Mit tievillicher ovgen weide

277b,29

Dirre welte kvrzin pin

30

Kvnte crist den iungern sin

Vnd warnote ir gemuote

Uon dirre welte vnguote

Er sprach div welt enpfahet

Frode da wider so nahet

35

Iv der welt vngemach

Da bi er friuntlichen sprach

Ivwer truren verkeret wirt

In eine selde div frovde birt

Div mit stete sol gezemen

40

Die iv nieman mac genemen

Daz ist div fiunfzehinde traht

Die crist den sinen hat gemaht

Frovde ane truren iemer

Div wirt in benomen niemer

45

Owe der armen froden hie

Div ie mit iamer ane vie

Und mit truren ende nam

Der kein stete nie gezam

Wan daz si einer stunde

50

Uz gie vnd och begunde

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 697. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0697.png&oldid=- (Version vom 18.8.2016)