Seite:Hugo Martina 1856 0695.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

276b,29

In der argen helle kerkere

30

Mit vil vngezalter swere

Stete vorhte hant siv gar

Gen der tievillichen schar

Wenne siv ir lider brechen

Und siv slahen vnde stechen

35

Och hant siv an dem herzen

Von schame steten smerzen

Wan ieglichem ist bekant

Waz siv alle gesundet hant

Siv nident och die guoten

40

Daz si sich hie behuoten

Uor dem lebinden tode

In der helle sode

Diz ist ir clage stritlich

Gen den erwelten nitlich

45

Ir ampt ist stetiu trurekeit

Daz wirt in niemer abe geleit

Daz siv den himelschen wirt

Dez antlüt alle frode birt

Niemer svn an gesehin

50

In sinem wunne richem prehin

So ist ir groster pin

Daz siv an zvoversiht svn sin

Daz siv gewinnen iemer heil

Oder an gottes erbermede teil

55

Da wider die erwelten

Zvo frovden die gezelten

276c,57

Hant ie wider einer clage

Tvsent frovdericher tage

Vnd so die hin geslifent

60

Hundert tusent aber angrifent

Svz wirt daz vnglich lebin

Zweiger hande liute gegebin

Div not den helle kinden

Frode dez himels gesinden

65

Div vierzehinde traht ist diz

Der sint die guoten vil gewiz

Sicher frode an ende

Dar vns got hin sende

Vz dirre welte ellende

70

Fri aller svnden gebende

Die .xv. trahte horent och

Die der welte wiser goch

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 695. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0695.png&oldid=- (Version vom 18.8.2016)