Seite:Hugo Martina 1856 0513.png

	Hugo von Langenstein: Martina

Mit vil sorgen getwinge

75

Ob vns der rihter strenge

Mit der engel gedrenge

Der da vil gewaltic sitzit

Uor dem der svnder switzit

Wan im kan nieman geligen

80

Noch dem rehte gebiegen

Mit dekeinen valschen mieten

Die wir doch hie verbieten

Siv sint och da verbotten

Uor den vngezalten rotten

203d,85

So siht man och da vnden

Uon noten michel wunder

Div helle stat da offen

Mit iamer vnd versloffen

Da siht man alzemale

90

Die vngezalten quale

Div niemer da verswindit

Vnd nivwe marter vindit

Div helle fiures gluoget

Daz fiure die hitze brvoget

95

Der tievil vnlieplich zannet

Uon nides hazze ergrannet

Der grundelosen helle grunt

Machet mengen svnder wunt

So betruobit och inwendic da

100

Div wider bizsit contientia

Daz ist der heizin gewissen

Div sich hie svnden flissen

Div haltet endelosen sturn

Vnd ist der lebinde wurn

105

Den daz alter niht verslizit

Und steteclichen bizit

Er naget mit sivnden smerzen

Den svndern in ir herzen

Vnd muodet niht von arbeit

110

Als ysaias het geseit

Uz wendic div welt brinnet

Dez michil not gewinnet

204,1

Der sunder in sinem sinne

Vz wendic vnd och inne

Ist er mit not verletzit

Dez er niemer wirt ergetzit

5

Svz wirt sin frovde geswant

So stant zvo der rehten hant

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 513. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0513.png&oldid=- (Version vom 18.8.2016)