Seite:Hugo Martina 1856 0500.png

	Hugo von Langenstein: Martina

55

Kvmit in dem der rihtere

Der rihte vnd der gewere

198c,57

Kvmit mit ordenunge

Uor dem alt vnd iunge

Erstant in lipliches lebin

60

Als in vor was gegebin

Vnd als diu schrift kvndet

So wirt och gar enzivndet

Aldiv welt mit fiures craft

Daz wirt an ir sigehaft

65

So daz gerihte ende nimet

Als gotte wol gezimet

So kvmit dez fiures ende hie

Daz svnt ir rehte merken wie

Uon der gotlichen witze

70

So wirt div brinnende hitze

Gescheiden von dem fure gar

Vnd wirt daz lieht svnderbar

Och von dem fiure gescheiden

Div schidunge an in beiden

75

Wirt dem sivnder vil svre

Wan dez fiures brinnende nature

Uolle fuoret mit grozim meile

Dez rehten rihtes vrteile

Daz och die verfluochten

80

Mit ir svnden hie suochten

Svz nimet dv hitze menicvalt

Die armen svnder mit gewalt

Und fuotert siv mit scharpfem pine

Hin in die heischen sentine

85

Wan also got mit werdekeit

An dem gewalte crone treit

Aller nature gabe groz

Dez im nieman ist genoz

Als ist er och in hoher kvr

90

An miltekeit geschalten fur

Daz er giht vnd och lihet

Genade vnd der niht verzihet

Vnd och gar der slehtest

Uollekomen vnd gerehtest

95

An gelte ane lone

So groz alsam ein bone

Er niht vngelonet lat

Guotis alder missetat

Ez wirt von den gotis degen

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 500. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0500.png&oldid=- (Version vom 18.8.2016)