Seite:Hugo Martina 1856 0396.png

	Hugo von Langenstein: Martina

Loben vnde prisen

Vf allen bluogenden risen

Swaz frovden div welt habe

Die muozen volgen dir zegrabe

15

Div selde dich zekinde

Habe vnd in ze ingesinde

Div tugent aller liute

Die muozen dich hute

Zieren vnde schonen

20

Mit allen selden kronen

Dich vil tugent riches wip

Sit din minneclicher lip

Den vngeloben smahet

Unde von dem gahet

25

Den die valschen cristen

Mit ir zovberlisten

Prüevent vnde kvndent

Da mitte siv sich svndent

157b,29

Vnde mir nv volgen wil

30

Und minen gotten elliv zil

Dez muoze ir vil hohir trost

Dich von swere tvon erlost

Vnde ir werder segen

Müeze dines heilis pflegen

35

Selic wip nv buoze

Mit diner rede suoze

Swa du hast verseret

Die gotte alde enteret

Svz wander daz da solde

40

Opfirn vnde wolde

Div maget in hoher kür

Die furter dem abgote für

Martina als ir gezam

Fur die guttinne kam

45

Div artemia da hiez

Des wart cleine ir geniez

Div maget nider kniewete

Dem abgot si driewete

Tovgenlichen aller meist

50

Si sprach div boser geist

Der in disem bilde lit

Der ane rede alliv zit

Ist vnd an gesiht blint

Ane gefuoge an gelinpf ein rint

55

Und an der gehorde tovp

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 396. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0396.png&oldid=- (Version vom 18.8.2016)