Seite:Der Swangern frawen vnd hebamme n roszgarte n.pdf/16

	Eucharius Rößlin: Der Swangern frawen vnd hebammen roszgarten

Vnd kem die frawen leichtlich an
      Wie man dem kindlin helffen kan
Die hebamm ir kunst hie thut finden
      Was man handlen soll mit kinden
Hab ich yn geben ein verstandt
      Den sie in disem büchlin handt
Darinn sie finden guten bericht
      Was in menschen geburt geschieht
Sie seyen natürlich oder nit
      Sorgsam / böß / oder gut / damit
Was instrument sie sollen han
      Damit dem kind man helffen kan
Dar von kein hebamm mir yetzund
      Gantz vnd gar nichts sagen kund
Das laßt mir zu mein facultet
      Die solich ding in übung het
Ich hab all ding beglimpfet schon
      Doch das die frawen wel verston
Weiplicher zucht uu eren gthon
Darumb kein fraw sich schamen gehar
      Ob sie es lesen alles gar
Vnd halten sich ordlich vor der geburt
      Darinn / vnd weiters dar nach geburt
Dan sie diß büchlin wol bericht
      Wie sie sich halten mit geschichte
      Das yn mißlinge nit villicht an
Sie finden so vil hilff dar zu
      Was yede fraw für nutzling thu
Auch wie sie fleiß vnd ernst an keren
      Ire frucht im leiß erneren
Die das weiß entpfangen hat
      Das ire frucht natürlich hat

Empfohlene Zitierweise:
Eucharius Rößlin: Der Swangern frawen vnd hebammen roszgarten. Steyner, Augsburg 1513, Seite 10. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Der_Swangern_frawen_vnd_hebamme_n_roszgarte_n.pdf/16&oldid=- (Version vom 10.3.2024)