|
Diverse: Codex diplomaticus Anhaltinus/Band 3 |
|
|
allen zeiten merer des reichs und kung ze Beheim, ze Romischem kunge recht und redlich und eynmuticlichen irwelt und irkoren haben, dorumb verbinden wir uns, unsir erben und nochkomen, fursten ze Anhalt und graven ze Aschanien, mit dem vorgenanten hern Baldewin erzcbischof ze Trier und seinen nochkomen, erczbischoven ze Trier, als mit eynem kürfursten des heiligen Romischen reichs und mit dem vorgenanntem unserm herren hern Korl Romischem kunge und kunge ze Beheim als mit eynem kunge ze Beheim nnd kürfursten des reichs und mit den egenanten erwirdigen und hochgebornen kürfursten und herren, geistlichen und werltlichen, und mit allen andern fursten, graven, freyen herren und steten, di dem vorgenantem unserm herren dem Romischen kunge gehorsam und undirtenyg sein und di in demselben verbuntnuzz sten und bleiben wollen, und geloben mit guten truwen an eydes stat on geverd, das wir mit den vorgenanten fursten und si mit uns dem vorgenanten unserm herren dem Romischen kunge und unsir yclichir dem andern umb des vorgenanten Romischen reichs und unsir kurfürstlichen recht, ere und wirde ze beherten und ze behalden beholfen und beraten sein wellen mit leib und mit gut und mit allir macht widir allirmenglichen und sundirlichen widir graven Gunther von Swarczburch, der sich des reichs vrevellichen und ze unrecht widir unsirn herren den vorgenanten und widir den stul zu Rome, widir unsir und des reichs recht angenomen hat und annymet, und wider alle sein helfer und gunner, di er hat odir noch gewynnen mak, unsir herre her Korl der Romische kung sei lebende odir tod, wann wir des billich und ze recht ze tun pflichtig sein also und wir der stymmen und der kor, die eyn marggrave ze Brandemburch hat an der wal eyns Romischen kunges, von gnaden des allirdurchleuchtigsten fursten und unsirs genedigen herren hern Korls Romischen kunges und kunges ze Beheim des vorgenanten, der uns domit belehnet hat von rechtem ordenlichem anevalle, wartende sein noch tode des hochgebornen fursten und herren hern Woldmar marggraven ze Brandemburch und ze Landsperg, unsirs lieben oheim, den Got geruche zu behüten. Und by namen geloben wir mit den vorgenanten kürfursten und andern fursten, graven, herren und steten, als vorgeschriben stet, das wir wedir den vorgenanten graven Gunther noch nymand andirs, wi er genant sei, er sei irkoren odir wurde irkoren bei unsirs vorgenanten herren leben und widir in, der sich des reichs angenomen hat odir annymet, oufegeruckt ist odir oufgeruckt wirt, unsir vorgenante herre sei lebende odir tod, odir wi er sust von dem reiche liezz, des Got nicht en welle, eynen Romischen kung halden wellen noch sullen, noch in zu dem reiche newins kisen odir unsir kür an in wenden, ob es ze schulden kumpt. Ouch ge- loben wir, wer das jemand, eyner odir mer denn eyner, dem vorgenanten graven Gun- ther odir einen andern, der zu kunge oufgerukt wurde, behulfen weren und in eynen kung halden und im helfen weiden, das wir des und derselben, ir weren vil odir wenyg, offenbar vynd sein wellen und uns mit denselben nymmer verrichten noch sünen, es sei denne das si denselben oufgerukten kung allir sache begeben und bei uns geloben vesticlich ze bleiben. Dornoch geloben wir mit guten truwen an eydes stat, als vor- geschriben stet, das wir in dise verbuntnuzz, eyde und gelubde bringen und nemen wellen alle fursten, bischove, stifte, capitel, graven, herren, vreyen, dinstman, stete und andir leute, so wir allirmeist mügen, di alle disen vorgenanten stukke sweren, siche- ren und geloben sullen, gancz, stete und unzubrochen ze behalden und dorumb ze geben ir sundirlichen brief. Ouch geloben wir für uns, unsir erben und nochkomen, fursten ze Anhalt und greven ze Aschanie, mit guten truwen an eydes stat, das wir
Diverse: Codex diplomaticus Anhaltinus/Band 3. Dessau: Emil Barth, 1877, Seite 606. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_606.jpg&oldid=- (Version vom 31.7.2018)
