|
Diverse: Codex diplomaticus Anhaltinus/Band 3 |
|
|
Ok scal scade sin sein her Bertramme van Veltym. — Da antwerde we greve Bern alsus tu: Dnse here van Meydeburg und unse here van Halberstat hadden sik tosa- mende dan islich uppe sines silves win und uppe sines silves vorlüst. Des was her Bertram vor Aken van des goddeshuses wegene und mit des goddeshuses bannere. Des ne stunde we nicht vor sinen scaden noch vor sinen vromen und willen darumme don, wat recht si, et cetera. — Dar spreke we her Ot und her Herman dat vor en recht: Hed unse here greve Bern her Bertramme van Veltym vor sinen scaden nicht geredet, des scal he unsculdich werden uppen hillighen, of des her Bertram nicht unberen wel. Dat spreke we et cetera.
Ok scal scade sin sein1 Cunrade van Dersum, Olric Scolen, den van Serxstede, den van Strobeke, den van Nyendorp, den van sante Burchard, Hinric van Bodensten, den van sante Johanse vor der stat, den van Langhelen, den van Erxstede8, den van Groten Hersleve, den van Nygenhagen, den van Daldorp. — Dar antwerde we greve Bern alsus to: Dat goddeshus to Halberstat ward unse vyand und untseyde uns an allerhande redeleke sculde, also we ny rechtes wegherden2 und unsek ny vorclageden, dar we to rechte antwerden scolden. Is on scade sein, de is sein in eneme openen werren, also we unsek unrechter walt erweren müsten, und willen darumme don, wat recht si, wat de spreken et cetera. — Dar spreke we dat vor en recht: Is on scade sein in eneme openen werren, dat man darumme nicht antwerden darf: is on scade sein buten deme werren, wen se darumme sculdeghen, den scal use here greve Bern to rechte setten, den he vormach. Dat spreke we et cetera.
Ok scal scade sin sein deme dumproveste und sime cappellane. — Dar antwerde we greve Bern alsus to: We hebben useme vedderen dycke seyd, we ne willen sinen Un- willen darumme nicht liden boven dat; wen he besculdeghen wel darumme, den wille we ome to rechte setten. — Dar spreke we her Ot und her Herman, dat dat recht is et cetera.
Ok gif de byscop van Halberstat uns scult umme Snetlinghe und wat darto hört, dat we dat scolen hebben geven sinen vorvaren. — Dar antwerde we greve Bern van Anehalt alsus tü: Snetlinghe und alle, dat darto hord, dat dat unse rechte ervegüt is und hebben des ny gegeven, darumme we des to rechte unberen scolen, und willen darumme don, wat recht si, wat de spreken et cetera. Use vesten wille we vorant- werden, also recht is, de uns benomed sin, wat de spreken et cetera. — Dar spreke we dat vor en recht: Hed unse here greve Bern dat egen ny gegeven, also he des billiken unberen scole, dat he des billiken vor si tu behaldene, wenne dat ome dat ye- nich man entvoren meghe. Dat spreke we, dat dat recht is et cetera. Umme de vesten, de useme heren greven Bern benomed sin, de scal he silven unsculdeghen oder en sin burchman, de uppe deme hus beseten is. Dat spreke we et cetera.
Oc scole scade sin sein Godeken van Dudorp, Ludolf Quasen, Johans Sacharie, Johans van Falebornne, Ot Scütten, Bussen Scrivere, Brun Gholtsmede, Johans Clocghe- tere, Heynen Bruns, Johans van Strobeke, Tylen Mystede, Hennigh Oldenrode, Johans Smed, Coneken Swertveghere, Cunrat Gruttenmekere, Burchards wedewen van Erxstede, Heynen Duderstat, Bernow deme ioden, Hinric van Erxstede, Ellenbrechte Nycolai, Duvevüt, Johans Peynen, Cüneke Colstock, Bertolde Ebelingh van Alsleve, Ludeke van Wylen, Tylen van Warmestorp, Hinric und Cunrat van Hersleve, Ludolve van Strobeke, Johans van Brockenstede, Arnolde und Bartolde Uppesleghere, Tyle van Regensten,
Diverse: Codex diplomaticus Anhaltinus/Band 3. Dessau: Emil Barth, 1877, Seite 338. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_338.jpg&oldid=- (Version vom 31.7.2018)
