Seite:DE CDA 3 099.jpg

	Otto von Heinemann (Hrsg.): Codex diplomaticus Anhaltinus. Band 3.

147.

1307. Juli 13. Herzog Rudolf I von Sachsen bewidmet das Kloster Hecklingen mit Gütern zu Hecklingen, Aldendorf und Gänsefurt, welche das genannte Kloster von Bertram von Halle erkauft hat.

In nomine Domini amen. Quoniam, ut dicit propheta, omnium habere memoriam pocius est divinitatis quam humanitatis, expedit, ut acta modernorum scriptis autenticis et fideli testium robore confirmentur. Igitur presentis temporis et futuri Christi fideles universos volumus non latere, quod nos Rodolfus Dei gratia Saxonie, Westfalie, Angarie dux et comes in Brenen borchgraviusque in Magdeburg recognoscimus publice per presentes, quod de consensu matris nostre et fratrum nostrorum, Alberti videlicet et Wenczlay, ad instanciam Frederici prepositi in Heklighe et ob reverentiam Dei monasterio sanctorum martirum Georgii¹ et Pancracii in Hekelighe proprietatem quatuor mansorum et dimidii sitorum in campis Hekelighe et Aldendorp et duarum arearum et stagni, quod dicitur vischerie, et prati, quod dicitur Worrenberg, in Aldendorp et unius aree in Hekelighe uniusque aree et prati, quod dicitur Rorwische, in Gensevorde donavimus, quos quidem mansos cum bonis pretactis, qui vulgariter dicuntur plankengot, ecclesia supradicta a Bertrammo dicto de Hallis pro sexaginta et sex marcis emptionis nomine comparavit, quos a nobis idem Bertrammus iure tenuit pheodali. Insuper ecclesia supradicta in honorem Dei et pro remedio anime patris nostri pie memorie ceterorumque parentum nostrorum tres missas pro defunctis et tres pro vivis singulis ebdomedis celebrabit. Si vero nos Rodolfus dux Saxonie predicta bona ad usus nostros comparare decreverimns, ecclesia sepedicta nobis pro simili pecunia vendere non negabit. Ut autem hec donatio firma permaneat et inconvulsa, presens scriptum² sigilli nostri munimine duximus³ roborari. Huius donationis testes sunt: Conradus dictus Slichtig de Roczlo⁴, Conradus Globek, Thidericus de Brenen, Hermannus de Tughede, Magnus milites, et quam plures alii fide digni.

Datum anno Domini millesimo c^oc^oc^ovij^o, in die beate Margarete virginis.

Aus dem Original im Haus- und Staatsarchive zu Zerbst, mit dem an einem Pergamentbande hängenden, trefflich erhaltenen grossen Reitersiegel des Ausstellers. Ein anderes fast völlig gleichlautendes Original ebenda ist nur mit dem kleinen Siegel (Secret) des Herzogs, wovon noch ein Bruchstück vorhanden, während das Contrasiegel mit dem einfachen sächsischen Schilde ziemlich unverletzt erhalten ist, besiegelt. Es hat folgende Varianten: 1. Geogii. - 2. Ut autem omnia premissa in perpetuum robur optineant firmitatatis, presentes litteras. - 3. fecimus. - 4. Roczlave. - Gedr: Beckmann Hist d. F. Anhalt I. 148.

148.

1307. August 9. Erich von Gattersleben, genannt von Frose, bewidmet das Marienkloster vor Aschersleben mit einer halben Hufe Landes zu Wilsleben.

In nomine Domini amen. Ne ea, que aguntur in tempore, simul cum fluxu temporis evanescant, necesse est, ut scripturarum testimonio perhennentur. Hinc est quod

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 99. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_099.jpg&oldid=- (Version vom 31.7.2018)