(Um 1235.) Graf Hoier von Valkenstein verzichtet zu Gunsten des Marienklosters auf dem Münzenberge (bei Quedlinburg) auf die Vogtei über eine Hufe Landes zu Lakesdorf bei Hecklingen.
Honorabili et dilecte domine sue Gertrudi1 Quidelinburgensi abbatisse Hoyerus Dei gratia comes de Valkenstein cum omni devotione promptissimum famulatum. Quum personam vestram in presenti salutare non possumus personaliter, litteras nostras honestati vestre transmittimus, resignantes vobis advocatiam unius mansi in Lakesdorp, quam a nobis Evericus, filius Everardi de Stasforde, feodaliter habuit et possedit. Rogamus ergo dilectionem vestram, quatinus, ut vobis confidimus, ipsam advocatiam ecclesie beate Marie in Monte liberam et solutam integraliter dimittatis.
1236. Mai 28. Leitzkau. Bischof Gernand von Brandenburg über die unter Mitwirkung Heinrichs von Ilverstedt erfolgte Beilegung eines Streites zwischen dem Kloster U. L. Frauen zu Magdeburg und dem Burgmannen Iwan von Dornburg.
Gernandus Dei miseratione Brandenburgensis ecclesie episcopus universis Christi fidelibus presentem paginam audituris in Jhesu salvatore salutem. Inter cetera gratiarum munera desuper nobis data non minimum divine pietatis est donum, quod scripts patrum veterum et humanorum eruditur ingenium ac fragilitatis humane memorie roboratur, ut quod rite agitur inter presentes, ad agnitionem absencium valeat pervenire. Notum volumus esse tam presentibus quam futuris, quod causa, que inter honorabilem virum dominum Johannem sancte Marie Magdeburgensis prepositum et dominum Ywanum militem castrensem de Dorenborch vertebatur iam longis temporibus agitata, compositionis interveniente tractatu consilio virorum fidelium ac prudentum et arbitrio est sopita. Constitutis itaque coram nobis domino Geldolfo cellerario sancte Marie ex parte prepositi et domino Ywano milite promissum recepimus ab eisdem, ut quicquid dictaret arbitrium, prefati prepositus atque miles inviolabiliter observarent, deinde recepto a partibus hinc et inde arbitri ab utraque parte electi hii, videlicet ex parte prepositi Heinricus domicella et Waltherus de foro civis Magdeburgensis, et hii ex parte militis Heinricus de Jelverstede et Heinricus de Danekowe arbitrium de communi consensu partium in nostra presentia promulgarunt. Est autem arbitrii forma talis: ---
Acta sunt hec ante Castrum Dhornenburch super ripam Albie, presentibus his: magistro Reinardo canonico sancti Sebastiani Magdeburgensis, domino Daniele de Munkede, Theobaldo, Alberto clericis; Alberto de Blekendorp, Burchardo de Weterlinghe, Thegenardo
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 107. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_107.jpg&oldid=- (Version vom 31.7.2018)
