betert, ik en vorwynnet an mynen lyve nummer mer, ok is dat gud myt my gemynnert, dat mach God al umme gud maken. Myn suester juewe wyff mach ju al ding wol scryven laten unde konde se her Rapesulver unde de rente betalen, se behelde dat hus noch wol; ik vruchte, dat sole ovel vorkofft werden unde de rente slept nicht.
Item de rat van Lubeke wel gernen bedebreve vor ju scriven unde ju to rechte vorbidden, men dat se enige grote sake edder kost umme juwe willen don solen, dat en don stede nicht gernne, also gy wol mercken mogen. Got voget al umme to den besten. Ik vruchte, dat wy der vrunde nicht vele hebben, de 100 mark to hast utgeven willen, want elken wert bange noech to synen dele. Gebedet over my, Got hebbe loff. Gescreven up sunte Marien Maddelenen dach anno 23.
357. Sivert Veckinchusen in Lübeck an Hildebrand Veckinchusen in Brügge. – 1423 Juli 28.
- Rev. St.-A. Orig. Adr.: An Hyldebrand Veckynchusen to Bruegge littera detur. Von H. V. Hand darunter: 1423, 9 in den oste. Der Brief lautet genau wie der vorhergehende vom 22. Juli (N. 356), bis auf eine Nachschrift, die lautet:
Item juwe hus steyt noch unvorkoft. Kunde men her Hynric Rapsylver betaen unde ok dey reynte, so worde dat hues wol unde ic vruechte, dat solt ovel vorkoft werden unde hyr vele huse to kope. Wolde ju Got uthelpen so mochtet al gud werden. Got voget al umme to den besten. Ghescreven 3 dage na sunte Jakoppes dage anno 23.
358. Hildebrand Veckinchusen in Brügge an Margarethe und Sivert Veckinchusen in Lübeck. – 1423 August 4.
- Rev. St.-A. Orig. Adr.: An Margreten unde Zyvert Veckinchusen in Lubeke lyttera detur.
Broder op dey 210 Rynschen gulden, darop antworde ick dy to Karnels dyns sones behoff 24 Troesche marc unde 5½ unsse karallen; dar to antworde ick dy to Collen 11½ unsse karallen, dyt were wol to hoppe 13 punt karallen. Dey karallen rekenne ick also dey anderen to Lubeke gulden 170 marc. Hedestu my dey to Lubeke laten also velle gheldes hedde ick darvan hat. Hirto hevestu noch ein breyff van myr weghen van 132½ Rynschen gulden. Darto gaff ick dynem soen by Kort ut der Olpe by 32 gulden unde darto vorkofftestu dynem son Karnnels 8 korff fyghen vor 20 Rynsche gulden. Darboven antworde ic Kornneles 4 gulden, hirvan so es dey summa tohope 368 Rynsche gulden. Hirvan soldestu dynem son hebben ghedan 210 gulden, des hevestu nicht ghedan. Darumme konde dyn son myn breyff nicht losen. Aldus so stet myn breyff noch utte. Dey man wyl noch 210 Rynsche gulden van my hebben, queme hey my den man over to Numeghen, hey solde
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 378. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_378.jpg&oldid=- (Version vom 31.7.2018)
