Seite:Briefwechsel Hildebrand Veckinchusen 006.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Briefwechsel Hildebrand Veckinchusen

ghescreven, went gy en su^elt es anders nicht wynden. Darmede wart wol und blivet ghesunt to ewygher tyt. Und gruetet uns dochter zere und al vrunt. Gescreven acht dage na sunte Myhghael.

By my Enghelbrecht Wytten.

9. Testament des Sivert Veckinchusen – 1406 Mai 9.

Lübecker Staatsarchiv, Sammlung von Testamenten. Perg. Orig. Rücks.: testamentum Sifridi Vockinghusen anno domini 1406 compositum.

In den namen Godes amen, ik Sivert Vockinghu^osen, wolmechtich mynes lyves myner sinne und redelicheit, isset, dat ik vorwunnen werde van deme dode, so setke ik aldu^os myn testament. To dem ersten sy to wetende, dat ik gheve 1 marc to beterende weghe unde steghe. Item wil ik dat myne vormundere scholen maken 20 marc ewighe rente, der myn broder her Lodewich to tüden sines levendes bruken scal und na sinen rade und anwisinghe scholen se komen na sinem dode to eyner ewighen vicarien, dar he do levest hebben wil. Item to den buwe unser leven vrowen kerken binnen Lubeke gheve ik 10 marc pennige und den anderen kerken binnen Lubeke und to su^onte Joryane und to su^onte Ghertrude yewelker stede gheve ik 5 marc Lub. Item yewelkem convente to Lubeke gheve ik 2 marc Lub. Item den carthu^oseren to der Arnesboken gheve ik 20 marc Lub. to ener ewighen dechtnisse myner sele. Item to Darpte gheve ik to sunte Annen capellen in der kerken sunte Johannis und to unser vrowen kerken und to den prediker broderen, yewelker stede, 10 marc Lub. myner selen to guder dechtnisse. Item schal men maken Rixen Vockinghusen, clostervrowen to Cerntyn, 6 marc lüfliker rente to eren levende und den clostervrowen darselves gheve ik 10 marc Lub., malkem sin part in de hant to donde, dat se unsen heren Got vor my bidden. Item to dem hospitale achter deme hilghen gheste gheve ik 5 marc Lub. Item to der kerken to Rode vor dem wolde gheve ik 10 marc Lub. to dem buwete. Item gheve ik Gotschalkes kindern van Woesten 30 marc Lub. Item her Hinrik Scrivers kinderen to Darpte gheve ik 60 marc Lub. Item her Zories Vockinghu^osen kinderen to Righe gheve ik 30 marc Lub. Item Hildebrande mynem brodere gheve ik 200 marc Lub. und 2 van mynen mynnesten sulvern kannen und 3 van mynen mynnesten sulvern schalen. Item her Alberte Trolpe und Hinrike Tyten yewelkem gheve ik 20 marc Lub. Item gheve ik Tydeman Brekelveldes 20 marc Lub. Item gheve ik Hinrik Sparken kinderen 10 marc Lub. Item gheve ik Johan Tymmen kinderen 10 marc Lub. Item gheve ik Greten hern Peters wedewe van Hereke und hern Alberte van Dorptmunde eren sone und mester Hinrike, erem brodere, yewelken 10 marc Lub. Item gheve ik Herbordes kinderen van Lynne 100 marc Lub. Item Hinrike up dem Orde gheve ik 10 marc Lub. Item gheve ik Cornelies mynem sone 100 marc. Item gheve ik Dedeken van den Bokele, myner suster, 12 Rinsche ghulden. Item gheve ik erem sone Johannes van den Bokele 10 marc Lub. Item sy witlik, dat ik mynem wive Liseke hebbe ghemaket 10 marc lyfliker

Empfohlene Zitierweise:
Briefwechsel Hildebrand Veckinchusen, Seite 6. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_006.jpg&oldid=- (Version vom 17.8.2016)