Wikisource

Seite:Briefe an Matthias Mulich.pdf/26

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

fragede yck em vmme, off[1] he dat gedan hadde oder nycht, dar wolt he my nycht grodt vp antwerden, sunder he sede. he woste nycht, he most noch sulven myt jw spreken; so kan yck vornemen,[2] dat idt idel schalckheith vnde boverige myt em ys. Hans Ransow vnde ein van sinen sonen schollen de tyt eres levendes hebben van Segeberg 100 gulden, de holt he en ock for.[3] vnde hebben an ein ander entsecht,[4] so dat idt nu ser selsen to gadt[5] in de werlt. Furder, leve juncker, so gy scryven des koppers halven. hebbe yck her Hinrick Kerckrinck gelevert des dunnerdages noch den hilgen 3 konig dag, an dackkopper 21 schippund 17 lyspund myn 2 mark pund vth dem huse. so ys noch vp der mollen, dat gesmedet ys van einem fatte: so frow[6] dat water vp kumpt, wyl yck em dat ock leveren; so ys hir noch dat fath loss kopper, (dat) gy vp slugen; wyl yck ock don[7] vp de mollen senden; so ys hir nein kopper mer, dan[8] de runden kugeln; dar weth jw noch to rychten, ock offt gy kopper her senden mochten, gy vp Hamborch vorscryven, dan yck moth hyr vele wonder hebben loss to bydden vnde yst dat yck holde nu beter, kopper dar to senden, als doch de wagen to Lunborch nu gemeinlyck dar aff laden, dar gy myt dem besten wol wyllen to gedenken. Item mer, leve juncker, so gy scryven. offt se to Oldeslow wes bedarff hetten van sagebleteren vnde hamer vnde ander tuch,[9] byn yck erst gystern vam Kyll kamen vnde wyl dat vorhoren[10] vnde jw dan wylt Godt myt den ersten scryven etc. Furder, leve juncker, weth, dat my en breff geworden ys an Baltzer rentmester m. g. h. van Mekelenborch vnde my dar boven[11] gescreven, gy m. g. h. dar gelent hebben 200 gulden, dat sulve to vor vorderen by Clawes Ludynckhusen weder vth schaffen, dem sulven yck myt allem flyt gern don wylle etc. Item de 400 Mark Lübisch, my Clawes lende noch dem Kylle, hebbe yck en vorwysset vp her Hinrick Kerckrinck, so dat he dar betalt ys. Item mer so hebbe wy der

  1. ↑ ob.
  2. ↑ daraus kann ich schließen, daß es lauter Schalkheit und Büberei mit ihm ist.
  3. ↑ die enthält er ihnen auch vor.
  4. ↑ sie haben einander abgesagt.
  5. ↑ sehr seltsam zugeht in der Welt.
  6. ↑ so bald als.
  7. ↑ dann.
  8. ↑ als.
  9. ↑ Geräth.
  10. ↑ mich darnach erkundigen.
  11. ↑ daß Ihr mir außerdem geschrieben habt.
Empfohlene Zitierweise:
Carl Friedrich Wehrmann (Hrsg.): Briefe an Matthias Mulich, geschrieben im Jahre 1523. In: ZVLGA 2, 1867, S. 296–347. Friedrich Asschenfeldt, Lübeck 1867, Seite 321. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefe_an_Matthias_Mulich.pdf/26&oldid=- (Version vom 31.7.2018)
Von „https://de.wikisource.org/w/index.php?title=Seite:Briefe_an_Matthias_Mulich.pdf/26&oldid=3224331“