Lúte vnd lant die mohten mit genaden sin
[247r]
Lúte vnd lant die mohten mit genaden sin·
wan zwei vil kleinú wortel· min vnd din·
dú[WS 1] brúwent michel wunder vf der erde·
wie gant si fruͤtende vnde wuͤtende vber al·
vnd tribent al die welt vmbe als einen bal·
ich wene ir krieges iemer ende werde·
dú vertane gite·
dú wahset alles vmbe sich· da her sit euen zite·
vnd irret ellú herze vnd ellú riche·
deweder hant noch zvngen·
die meinet noch minnent niht wan valsch vnd andervnge·
lere vnd volge liegent offenliche·[WS 2]