In geſach ſo ſchon
[280v]
IN geſach ſo ſchon·
den walt mit lǒbe nie bedaht·
cleine vogelin manic hande don·
ir ſvͤſſe bꝛaht·
ſi ſingēt
ſvmerlich geſanc·
ein ende hat der winder lanc·
das ſagent vns die bottē fron·
Wnne iſt in den ǒwen·
den froͤidegernden vf getan·
ſtolze megde ritter vn̄ frowē·
ir w̾de man
ir hebt úch dar·
mit richer ſchar·
ia iſt div heide roſen var·
ir mvgent ſi g̾ne ſchowē·