Ich han lieb mit senider leide
[315r]
ICh han lieb mit senider leide·
des mv̊s ich vil ofte rúwig si[WS 1]·
ia enkan ich niht vnderscheide[WS 2]·
miner froͤide lige ie truren bi·
svs verlúse ich mine[WS 3] wunneklichen tage[WS 4]·
dc dú gůte erkennet niht min not
des meret sich min clage·
Ia en weis niht div wolgetane·
dc si mich also verderben lat·
sol ich leben in zwiuel wane·
wie wirt miner sorgen danne rât·
hei wan mvͤst aber ich ir minen kvmber sagen·
den[WS 5] ich han von[WS 6] senedem pine· sist so gv̊t
dc si mir hvlfe klagen·