Ich erwinde nimer (Mit originalen Lettern)

ICh erwinde nimer
ſi w̾de mir·
eine heiſſet diemel
vil wol getruwe ich ir·
es mag ir niht v̾ſmahē·
dc ich ſi ie gebat·
ſi ſol ſich niht v̾gahē·
min velt gat an ir trat·
ekemā der rǒfet ekemāmē·
da vō ſo hab ir rotē mvnt zeſammē·

ICh het an ſi gewendet·
gar allē minē mv̊t·
ich wande ich hetz vol endet·
ſi ſp̋ch wa iſt dc gv̊t·
ich kan ú niht gezeigē·
des minē gv̊tes mer·
wan rúwētal min^{[WS 1]} eigen·
dc bꝛaht min mv̊ter her·
frowe dc wil ich iv gippen gappē·
h̾re dc ſult ir iv hippē happē·

Der ich mich mit willē
ie ze dienſte bot·
an der han ich erſehen
einē gúrtel rot·
ſwaſ ich ir gewinke·
das iſt ir an mich zoꝛn·
gleſin iſt dv́ ringge·
vō kvpfer iſt der doꝛn·
ich nam ſin war es was ein ſmaler riemē·
den bꝛaht ein ritter her vō wiemē·

Ich kom ir nach geſlichē·
in ein fúr holz·
ir froͤide dv́ was michel
bi einē ritter ſtolz·
ich kom dar nach gegangē·
deſ wart ich vnfro·
dv́ wile wert vnlangē·
nider dꝛuht er ſi do·
er gab ir ſchiere in ir wîſſen hentel·
eines heiſſet man den gimpel gempel·

Do ſi den gimpel gempel·
in die hant genam·
ſi ſaſt in an das wempel·
er dꝛuht in durh die gram·
nv ruͤra dv den hozel bozel vaſte·
dc der gimpel gempel iht geraſte·
vrra burra wer gat da·

Anmerkungen (Wikisource)

1. Vorlage: iſt min.