Ein kneht d̾ lag v̾boꝛgē
[309v]
Ein kneht d̾ lag v̾boꝛgē·
bi ein̾ dirne er ſlief·
vnz vf den liehtē moꝛgē
d̾ hirte lute rief·
wol vf las vs die h̾te·
des erſchrak dú dirne vn̄ ir geſelle wert·
Das ſtrǒ dc mv̊ſt er rumē·
vn̄ vō d̾ liebē varn·
er toꝛſte ſich niht ſvmē·
er nā ſi an den arn·
das hoͤi dc ob im lag·
dc er ſach dú reine vf fliegē in den dag·
Da vō ſi mv̊ſte erlachē·
ir ſigē dú ǒgen zv̊·
so ſuͤſſe kvnde er machē·
in dē moꝛgen frů·
mit ir dc bette ſpil·
wer ſach an gerête· ie froͤiden me ſo vil·